Connect with us

Latest News

നിമിഷയും ടോവിനോയും നിറഞ്ഞാടിയ കുപ്രസിദ്ധ പയ്യന്‍ | റിവ്യൂ വായിക്കാം

Published

on

ഇന്ന് പ്രേക്ഷകർക്ക് മുന്നിലെത്തിയ ചിത്രങ്ങളിൽ ഒന്നാണ് ടോവിനോ തോമസിനെ നായകനാക്കി പ്രശസ്ത നടനും സംവിധായകനുമായ മധുപാൽ ഒരുക്കിയ ഒരു കുപ്രസിദ്ധ പയ്യൻ. ജീവൻ ജോബ് ജേക്കബ് തിരക്കഥ രചിച്ച ഈ ചിത്രം നിർമ്മിച്ചിരിക്കുന്നത് വി സിനിമാസ് ആണ്. തൊണ്ടിമുതലും ദൃക്‌സാക്ഷിയും എന്ന ഫഹദ് ഫാസിൽ- ദിലീഷ് പോത്തൻ ചിത്രത്തിലൂടെ മലയാളത്തിൽ അരങ്ങേറിയ നിമിഷ സജയൻ ആണ് ഈ ചിത്രത്തിലെ നായികാ വേഷം ചെയ്തിരിക്കുന്നത്. ഇതിന്റെ വ്യത്യസ്തമായ പോസ്റ്ററുകളും മികച്ച ട്രെയ്ലറും പ്രേക്ഷകർക്ക് ഏറെ പ്രതീക്ഷ പകർന്നു നൽകിയിരുന്നു.

ഒരു മിസ്റ്ററി ത്രില്ലെർ അല്ലെങ്കിൽ ഇൻവെസ്റ്റിഗേഷൻ ത്രില്ലർ പോലെയാണ് മധുപാൽ ഈ ചിത്രം നമ്മുക്ക് മുന്നിൽ എത്തിച്ചിരിക്കുന്നത്. ഒരു കൊലപാതകത്തിന്റെയും അതുപോലെ ടോവിനോ തോമസ് അവതരിപ്പിക്കുന്ന അജയൻ എന്ന കഥാപാത്രത്തിന്റെയും ചുറ്റുമുള്ള മിസ്റ്ററികൾ അനാവരണം ചെയ്തു കൊണ്ടാണ് ഈ ചിത്രത്തിന്റെ കഥ വികസിക്കുന്നത്. ചെമ്പമ്മാൾ എന്ന മധ്യവയസ്‌ക്ക കൊല ചെയ്യപ്പെടുകയും ആ കേസിൽ അജയൻ അറസ്റ്റ് ചെയ്യപ്പെടുകയും ചെയ്യുന്നിടത്ത് നിന്നാണ് കഥ വികസിക്കുന്നത്. ഹന്നാ എലിസബത്ത് എന്ന കഥാപാത്രത്തെയാണ് നിമിഷ സജയൻ ഈ ചിത്രത്തിൽ അവതരിപ്പിക്കുന്നത്. സസ്പെൻസ് നിറഞ്ഞ ഒരു ത്രില്ലർ ചിത്രം ആയതു കൊണ്ട് തന്നെ ചിത്രത്തിന്റെ കഥാഗതിയെ കുറിച്ച് കൂടുതൽ വെളിപ്പെടുത്തുന്നത് ശെരിയല്ല.

തലപ്പാവ്, ഒഴിമുറി പോലത്തെ ക്ലാസിക് ചിത്രങ്ങൾ നമ്മുക്ക് നൽകിയ സംവിധായകനാണ് മധുപാൽ. വളരെ വ്യത്യസ്തത നിറഞ്ഞ പ്രമേയങ്ങളുമായി എത്തുന്ന അദ്ദേഹം ഇത്തവണയും ആ പതിവ് തെറ്റിച്ചില്ല. വളരെ റിയലിസ്റ്റിക് ആയി കഥ പറയുന്ന, എന്നാൽ ആദ്യാവസാനം മനസ്സിൽ ആകാംഷ നിറക്കുന്ന ഒരു മിസ്റ്ററി ത്രില്ലർ ആണ് മധുപാൽ നമ്മുക്ക് തന്നിരിക്കുന്നത്. ഒരു കൊലപാതകത്തിന് ചുറ്റും വികസിക്കുന്ന ഒരു ഇൻവെസ്റ്റിഗേഷനിലൂടെയാണ് ഈ ചിത്രം മുന്നോട്ടു പോകുന്നത് എങ്കിലും പ്രേക്ഷകരുടെ മനസ്സിൽ തൊടുന്ന വൈകാരിക മുഹൂർത്തങ്ങളും അതുപോലെ അവരെ എന്റർടൈയിൻ ചെയ്യിക്കുന്ന കഥാ സന്ദർഭങ്ങളും ഈ ചിത്രത്തിന്റെ ഭാഗമാണ്. വളരെ ത്രില്ലിംഗ് ആയും കലാപരമായതും മികച്ചു നിൽക്കുന്ന ഒരു തിരക്കഥയാണ് ജീവൻ ജോബ് ജേക്കബ് രചിച്ചിരിക്കുന്നത്. മധുപാൽ എന്ന മാസ്റ്റർ ഡയറക്ടർ അതിനു നൽകിയ ഗംഭീരമായ ദൃശ്യ ഭാഷയെ എത്ര അഭിനന്ദിച്ചാലും മതിയാകില്ല. കഥയുടെ തീവ്രതയും ആഴവും ഒട്ടും നഷ്ടപ്പെടാതെ തന്നെ വളരെ ത്രിലിംഗ് ആയി ഈ ചിത്രം ഒരുക്കാൻ അദ്ദേഹത്തിന് കഴിഞ്ഞു.

ടോവിനോ തോമസ് ഇന്ന് തന്റെ ഓരോ ചിത്രത്തിലൂടെയും ഒരു നടൻ എന്ന നിലയിലുള്ള തന്റെ വളർച്ച പ്രേക്ഷകർക്ക് കാണിച്ചു തരുന്ന യുവ നടൻ ആണ്. ഈ ചിത്രത്തിലും വളരെ സ്വാഭാവികമായും അതുപോലെ വളരെ അനായാസമായും അജയൻ എന്ന കഥാപാത്രമായി ടോവിനോ മാറിയിട്ടുണ്ട്. തന്റെ ശരീര ഭാഷ കൊണ്ട് തന്നെ കഥാപാത്രങ്ങളുടെ വ്യത്യസ്തത പ്രേക്ഷകന് പകർന്നു നല്കാൻ ടോവിനോ തോമസിന് കഴിയുന്നുണ്ട് എന്നതാണ് ഈ നടന്റെ ഏറ്റവും വലിയ വിജയം,പക്ഷെ പടത്തിന്റെ നട്ടെല്ല് നിമിഷ സഞ്ജയന്‍ അവതരിപ്പിച്ച ഹന്ന എന്ന അഭിഭാഷകയുടെ കഥാപാത്രം ആണ് ,നിമിഷയുടെ കരിയറിലെ ഏറ്റവും മികച്ച വേഷം തന്നെയാണ് ഹന്നയുടെത് . നിമിഷ സജയൻ ഹന്ന ആയി വളരെ പക്വതയേറിയ പ്രകടനം നൽകിയപ്പോൾ ജലജ എന്ന മറ്റൊരു നിർണ്ണായക കഥാപാത്രത്തെ അവതരിപ്പിച്ച അനു സിത്താരയും മികച്ചു നിന്നു. നെടുമുടി വേണു, സിദ്ദിഖ്, ദിലീഷ് പോത്തൻ, ശരണ്യ പൊൻവർണ്ണൻ, അലെൻസിയർ, സുജിത് ശങ്കർ, സുധീർ കരമന, ബാലു വർഗീസ് ,ശ്വേത മേനോൻ എന്നിവരും തങ്ങളുടെ വേഷങ്ങൾ ഗംഭീരമാക്കി.

നൗഷാദ് ഷെറീഫ് ഒരുക്കിയ ദൃശ്യങ്ങൾ ഈ ചിത്രത്തിന്റെ ജീവനായപ്പോൾ അതോടൊപ്പം തന്നെ മികച്ചു നിന്നതു ഔസേപ്പച്ചൻ ഒരുക്കിയ സംഗീതമാണ്. അദ്ദേഹം നൽകിയ പശ്ചാത്തല സംഗീതം അതിഗംഭീരമായിരുന്നു എന്ന് തന്നെ പറയേണ്ടി വെറും. വി സാജൻ ഒരു എഡിറ്റർ എന്ന നിലയിൽ പുലർത്തിയ മികവ് ചിത്രത്തിന് മികച്ച ഒഴുക്കും സാങ്കേതിക നിലവാരവും പ്രദാനം ചെയ്തു.

ചുരുക്കി പറഞ്ഞാൽ, ഒരു കുപ്രസിദ്ധ പയ്യൻ വളരെ വ്യത്യസ്തമായ ഒരു സിനിമാനുഭവം പ്രേക്ഷകന് പകർന്നു നൽകുന്ന ഒരു റിയലിസ്റ്റിക് മിസ്റ്ററി ത്രില്ലെർ ആണ്. ഈ ചിത്രം നിങ്ങള്ക്ക് ഒരു പുതുമ സമ്മാനിക്കും എന്നതിനൊപ്പം തന്നെ നിങ്ങളെ ഏറെ രസിപ്പിക്കുകയും ചെയ്യും. നല്ല സിനിമകളെ സ്നേഹിക്കുന്ന പ്രേക്ഷകർക്ക് ഏറ്റവും സംതൃപ്തി നൽകുന്ന ഒരു ചിത്രം തന്നെയായിരിക്കും ഒരു കുപ്രസിദ്ധ പയ്യൻ.

Latest News

തരംഗമായി മൈ സാന്റാ ഫസ്റ്റ് ലുക്ക് പോസ്റ്റർ; ജനപ്രിയ നായകൻ ക്രിസ്മസിന് എത്തുന്നു..!

Published

on

By

തരംഗമായി മൈ സാന്റ ഫസ്റ്റ് ലുക്ക് പോസ്റ്റർ; ജനപ്രിയ നായകൻ ക്രിസ്മസിന് എത്തുന്നു..!ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രമാണ് മൈ സാന്റ. സൂപ്പർ ഹിറ്റ് ചിത്രങ്ങൾ ഒരുക്കിയിട്ടുള്ള സുഗീത് സംവിധാനം ചെയ്യുന്ന ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ കഴിഞ്ഞ ദിവസം റിലീസ് ചെയ്തു. സിനിമാ പ്രേമികളും ആരാധകരും ഒരേ ആവേശത്തോടെ സ്വീകരിച്ച ഈ ഫസ്റ്റ് ലുക്ക് പോസ്റ്റർ ഇപ്പോൾ സോഷ്യൽ മീഡിയയിൽ തരംഗമായി മാറുകയാണ്. കുട്ടികളേയും കുടുംബ പ്രേക്ഷകരേയും ഏറെ ആകർഷിക്കുന്ന ഒരു ചിത്രം ആയിരിക്കും മൈ സാന്റ എന്ന സൂചനയാണ് ഇതിന്റെ ഫസ്റ്റ് ലുക്ക് പോസ്റ്റർ നമ്മുക്ക് തരുന്നത്. ദിലീപ് ഒരു സാന്താ ക്ലോസ് ആയാണ് ഈ ചിത്രത്തിൽ എത്തുന്നത്. ഒരു സാന്താ ക്ലോസും ഏഴു വയസുള്ള ഒരു കുട്ടിയും തമ്മിലുള്ള ബന്ധമാണ് ഈ ചിത്രത്തിലൂടെ നമ്മുടെ മുന്നിൽ എത്തിക്കുന്നത്.

വാള്‍ പോസ്റ്റര്‍ എന്റര്‍ടെയ്ൻമെന്റ്സ് എന്ന പുതിയ ബാനറിൽ സുഗീത്, നിഷാദ് കോയ, അജീഷ് ഒ.കെ സാന്ദ്ര മരിയ ജോസ് എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം രചിച്ചിരിക്കുന്നത് നവാഗതനായ ജെമിൻ സിറിയക് ആണ്. ഒരിടവേളക്ക് ശേഷം വിദ്യാസാഗർ ഈണം ഒരുക്കുന്ന ഗാനങ്ങളും ഈ ചിത്രത്തിന്റെ ഹൈലൈറ്റ് ആയിരിക്കും എന്നാണ് സൂചന. ഡിസംബർ ഇരുപതിന്‌ ആയിരിക്കും മൈ സാന്റ തീയേറ്ററുകളിൽ എത്തുക എന്നാണ് ഇപ്പോൾ ലഭിക്കുന്ന റിപ്പോർട്ടുകൾ സൂചിപ്പിക്കുന്നത്. അനുശ്രീ നായികാ വേഷത്തിൽ എത്തുന്ന ഈ ചിത്രത്തിൽ സായ് കുമാര്‍,സിദ്ധിഖ്,കലാഭവന്‍ ഷാജോണ്‍,ഇന്ദ്രന്‍സ്, മാനസ്വി എന്നിവരും ഉണ്ടെന്നാണ് റിപ്പോർട്ടുകൾ പറയുന്നത്.

Continue Reading

Latest News

വനിതാ കലാകാരികൾക്കു വേണ്ടി ശാലു കുര്യന്റെ ഫേസ്ബുക് പോസ്റ്റ്..!

Published

on

By

വനിതാ കലാകാരികൾക്കു സോഷ്യൽ മീഡിയയിൽ നിന്നും നേരിടേണ്ടി വരുന്ന മോശം പ്രതികരണങ്ങൾക്കു എതിരെ പ്രശസ്ത നടി ശാലു കുര്യൻ ഇട്ട ഫേസ്ബുക് പോസ്റ്റ് ശ്രദ്ധ നേടുന്നു. ഇത്തരം പ്രതികരണങ്ങൾ നടത്തുന്നവർക്ക് എതിരെ നിയമ നടപടികൾ ഉണ്ടാകും എന്നും സൈബർ നിയമങ്ങൾ ഇപ്പോൾ കർശനമാക്കിയിട്ടുണ്ട് എന്നും ശാലു ഓർമിപ്പിക്കുന്നു. സിനിമയിലോ സീരിയലിലോ ജോലി ചെയ്യുന്നു എന്നത് കൊണ്ട് തങ്ങൾ ധാര്മികതയിൽ വിട്ടു വീഴ്ച ചെയ്യുന്നുണ്ട് എന്ന് കരുതരുത് എന്നും എല്ലാവരേയും പോലെ തങ്ങളും ഒരു തൊഴിൽ ആണ് ചെയ്യുന്നത് എന്നും ശാലു കുര്യൻ തന്റെ ഫേസ്ബുക് പോസ്റ്റിൽ പറയുന്നു.

ശാലു കുര്യന്റെ വാക്കുകൾ ഇപ്രകാരം, ” ആർട്ടിസ്റ്റുകളുടെ പേജിലും ചിത്രങ്ങളിലും അശ്ലീലവും അനുചിതവുമായ അഭിപ്രായങ്ങൾ പോസ്റ്റുചെയ്യുന്ന ആളുകൾ ഇത് നിങ്ങളുടേതുപോലുള്ള ഒരു തൊഴിലാണെന്ന് മനസ്സിലാക്കുക. ടിവിയിലും സിനിമാ വ്യവസായത്തിലും ആയിരിക്കുന്നതിലൂടെ ഞങ്ങൾ ഞങ്ങളുടെ ധാർമ്മികതയിലും വിട്ടുവീഴ്ച ചെയ്യുന്നുണ്ടന്നു അർത്ഥമാക്കുന്നില്ല. ഞങ്ങളെ കുറിച്ച് നിങ്ങൾ ധാരാളം വ്യാജ കഥകൾ കേൾക്കുന്നുണ്ടാകും അവ ഗൗരവമായി എടുക്കുക്കേണ്ടതില്ല കാരണം അവയിൽ മിക്കതും നുണ പ്രചാരണങ്ങൾ ആണ് . സൈബർ നിയമങ്ങൾ‌ കൂടുതൽ‌ കർശനമാക്കിയിട്ടുണ്ടന്നു അറിഞ്ഞിരിക്കുക. നിങ്ങളുടെ മാതാപിതാക്കൾ, ഭാര്യ, കുട്ടികൾ എന്നിവരുടെ മുന്നിൽ പെട്ടെന്നു പോലീസ് വന്ന് നിങ്ങളെ വീട്ടിൽ നിന്ന് കൊണ്ടുപോകുമ്പോൾ മാത്രമേ നിങ്ങൾ ചെയ്യ്തതിന്റെ ഗൗരവവും പ്രത്യാഘാതങ്ങളും നിങ്ങൾക്ക് അറിയാൻ കഴിയൂ, ഒപ്പം നിങ്ങളുടെ അടുത്ത ആളുകൾ നിങ്ങളുടെ പ്രവർത്തികളെ പറ്റി അറിയുകയും ലജ്ജിക്കുകയും ചെയ്യും, നിങ്ങൾ സഹിക്കേണ്ടിവരുന്ന കഷ്ടത മറക്കരുത് നിങ്ങളുടെ ആനന്ദത്തിനു വേണ്ടി കുറ്റകരമായ ഇത്തരം പ്രവർത്തി ചെയ്‌യേണ്ടി വരുമ്പോൾ ഓർക്കുക നിങ്ങൾക്ക് സാമ്പത്തികമായും കേസ് പരം ആയിട്ടും ഒരുപാടു കഷ്ടതകൾ അനുഭവിക്കേണ്ടി വരും . യൂട്യൂബിലും മറ്റ് സോഷ്യൽ മീഡിയകളിലും വീഡിയോകളും ചിത്രങ്ങളും മറ്റും edit ചെയ്ത് slow motion il zoom ചെയ്യുകയും ചെയ്ത് പോസ്റ്റുചെയ്യുകയും ചെയ്യുന്ന ആളുകൾക്കും കൂടാതെ ലിങ്കിൽ അഭിപ്രായമിടുകയും പോസ്റ്റുചെയ്യുകയും ചെയ്യുന്ന ആളുകൾക്കും ഇത് ബാധകമാണ്. നിങ്ങളുടെ channel നു സബ്സ്ക്രിപ്ഷൻ കിട്ടാനും like ഉം share ഉം കൂട്ടാനും ഒക്കെ ആവാം നിങ്ങൾ ഇത് ചെയ്യുന്നത്.. എന്നാൽ പോലീസും സൈബർ കേസ് നടപടികളും ആരംഭിച്ചുകഴിഞ്ഞാൽ നിങ്ങൾ ഇത് ഒരിക്കലും ചെയ്‌തിട്ടില്ലെന്ന് നിങ്ങൾ ആഗ്രഹിക്കും.

ആർട്ടിസ്റ്റുകളുടെ പേജിലും ചിത്രങ്ങളിലും അശ്ലീലവും അനുചിതവുമായ അഭിപ്രായങ്ങൾ പോസ്റ്റുചെയ്യുന്ന ആളുകൾ ഇത്…

Gepostet von Shalu Kurian am Montag, 25. November 2019

കേസ് രജിസ്റ്റർ ചെയ്യപ്പെട്ടിട്ടുണ്ടെന്നും അതിനാൽ ഫലം വരുന്നതുവരെ കാത്തിരിക്കുക, നിങ്ങൾ ലോകത്തിന്റെ ഏത് ഭാഗത്തു ആണ് പ്രവർത്തിക്കുന്നത് എങ്കിലും നിങ്ങളെ വളരെ എളുപ്പം സൈബർ പോലീസ് നു കണ്ടുപിടിക്കാൻ സാധിക്കുന്നതാണ്. അങ്ങനെ സംഭവിച്ചാൽ നിങ്ങളെ മാത്രമല്ല, നിങ്ങളുടെ ജോലിയെയും പഠനത്തെയും ബാധിക്കും , സോഷ്യൽ മീഡിയ വളരെ ശക്തവും ഇരുതല മൂർച്ചയുള്ള വാളും ആണ്. സ്ത്രീകളെ കുറിച്ച് മോശം വാക്കുകൾ, ചിത്രങ്ങൾ, വീഡിയോകൾ എന്നിവ പോസ്റ്റുചെയ്യുന്നതിന് മുമ്പ് വരും വരായ്കകളെ കുറിച്ച് ചിന്ദിക്കുക. നിങ്ങൾ പിന്നീട് post ചെയ്യ്ത content ഇല്ലാതാക്കുകയാണെങ്കിൽപ്പോലും, പോസ്റ്റുചെയ്ത ആളെ കണ്ടെത്താനും അത് തിരികെ നേടാനും ഒരു കേസ് ഫ്രെയിം ചെയ്യാനും പോലീസിന് കഴിയും. അറസ്റ്റുചെയ്തുകഴിഞ്ഞാൽ ക്ഷമിക്കണം, കരയുക എന്നിവയൊന്നും സഹായിക്കില്ല. സൈബർ പോലീസ് കർശനമായിത്തീർന്നു, കുറ്റവാളികളെ മുമ്പത്തേതിനേക്കാൾ വേഗത്തിൽ പിടികൂടും. ഇത് ഒരു എളിയ അഭ്യർത്ഥനയായി എടുക്കുക. ഈ തൊഴിലിൽ ഇത്തരം പ്രശ്‌നങ്ങൾ നേരിടുന്ന എല്ലാ വനിതാ കലാകാരികൾക്കും വേണ്ടി..ആത്മാർത്ഥതയോടെ, ഷാലു കുരിയൻ”

Continue Reading

Latest News

ഇന്ത്യയിലെ നമ്പർ 1 സിനിമയായി ബിഗിൽ ! കളക്ഷൻ 200 കോടിയിലേക്ക് കുതിക്കുന്നു

Published

on

By

അറ്റ്ലീ സംവിധാനം ചെയ്ത ദളപതി വിജയ് നായകനായി എത്തിയ ബിഗിൽ.. ലോകമെമ്പാടും കളക്ഷൻ റെക്കോർഡ് ഇട്ട് മുന്നേറുമ്പോൾ ആണ് ഇന്ത്യയിലെ തന്നെ നിലവിലെ നമ്പർ 1 സിനിമ എന്ന ടാഗ് ആണ് ചിത്രത്തിന് കിട്ടിയിരിക്കുന്നത്.. ബോളിവുഡ് സിനിമകളുടെ കളക്ഷൻ വരെ ട്രാക്ക് ചെയ്യുന്നവർ ട്വിറ്ററിൽ പോസ്റ്റ് ചെയ്യുകയായിരുന്നു ബിഗിലിന്റെ വിജയത്തിനെ പറ്റി..

അത് പോലെ തന്നെ.. അക്ഷയ് കുമാർ ചിത്രമായ ഹൗസ്ഫുൾ 4 എന്ന ചിത്രത്തിന്റെ കളക്ഷൻ ഒക്കെ തകർത്താണ് ഈ വിജയ് ചിത്രം മുന്നേറിയത്…കേരളത്തിലും 12 കോടിക്ക് മുകളിൽ കളക്ഷൻ വന്നിട്ടുണ്ട് എന്നാണ് റിപ്പോർട്ട്.ലോകമെമ്പാടും 200 കോടിയിലേക്ക് കുതിക്കുകയാണ് ചിത്രത്തിന്റെ കളക്ഷൻ…തമിഴ് നാട്ടിൽ ഈ വർഷം ഇറങ്ങിയ ചിത്രങ്ങളിൽ ഏറ്റവും വലിയ ഓപ്പണിംഗ് എടുത്ത ചിത്രവും ബിഗിൽ ആയിരുന്നു..

Continue Reading

Latest Updates

Latest News2 weeks ago

തരംഗമായി മൈ സാന്റാ ഫസ്റ്റ് ലുക്ക് പോസ്റ്റർ; ജനപ്രിയ നായകൻ ക്രിസ്മസിന് എത്തുന്നു..!

തരംഗമായി മൈ സാന്റ ഫസ്റ്റ് ലുക്ക് പോസ്റ്റർ; ജനപ്രിയ നായകൻ ക്രിസ്മസിന് എത്തുന്നു..!ജനപ്രിയ നായകൻ ദിലീപ് നായകനായി എത്തുന്ന പുതിയ ചിത്രമാണ് മൈ സാന്റ. സൂപ്പർ ഹിറ്റ്...

Latest News2 weeks ago

വനിതാ കലാകാരികൾക്കു വേണ്ടി ശാലു കുര്യന്റെ ഫേസ്ബുക് പോസ്റ്റ്..!

വനിതാ കലാകാരികൾക്കു സോഷ്യൽ മീഡിയയിൽ നിന്നും നേരിടേണ്ടി വരുന്ന മോശം പ്രതികരണങ്ങൾക്കു എതിരെ പ്രശസ്ത നടി ശാലു കുര്യൻ ഇട്ട ഫേസ്ബുക് പോസ്റ്റ് ശ്രദ്ധ നേടുന്നു. ഇത്തരം...

Latest News2 months ago

ഇന്ത്യയിലെ നമ്പർ 1 സിനിമയായി ബിഗിൽ ! കളക്ഷൻ 200 കോടിയിലേക്ക് കുതിക്കുന്നു

അറ്റ്ലീ സംവിധാനം ചെയ്ത ദളപതി വിജയ് നായകനായി എത്തിയ ബിഗിൽ.. ലോകമെമ്പാടും കളക്ഷൻ റെക്കോർഡ് ഇട്ട് മുന്നേറുമ്പോൾ ആണ് ഇന്ത്യയിലെ തന്നെ നിലവിലെ നമ്പർ 1 സിനിമ...

Latest News3 months ago

ടൊവിനോ തോമസിന്റെ നായികയായി മംമ്ത മോഹൻദാസ് എത്തുന്നു ..

‘7th ഡേ’യുടെ തിരക്കഥകൃത്ത് അഖിൽ പോൾ , അനസ് ഖാനൊപ്പം രചനയും സംവിധാനവും നിർവഹിക്കുന്ന ഫോറൻസിക്കിൽ ടൊവിനോ തോമസിന്റെ നായികയായി മംമ്ത മോഹൻദാസ് എത്തുന്നു . കോടതി...

Latest News3 months ago

സൂപ്പർ ഹിറ്റായി പൊറിഞ്ചു മറിയം ജോസ്; ഇവർ ജീവിച്ചിരുന്ന കഥാപാത്രങ്ങൾ..!

സൂപ്പർ ഹിറ്റായി പൊറിഞ്ചു മറിയം ജോസ്; ഇവർ ജീവിച്ചിരുന്ന കഥാപാത്രങ്ങൾ..!മലയാളത്തിന്റെ മാസ്റ്റർ ഡയറക്ടർ ജോഷി സംവിധാനം ചെയ്ത പൊറിഞ്ചു മറിയം ജോസ് എന്ന ചിത്രം ഇപ്പോൾ തീയേറ്ററുകളിൽ...

Latest News3 months ago

വിനീത് ശ്രീനിവാസൻ നായകനായി എത്തുന്ന മനോഹരത്തിന്റെ കലക്കൻ ട്രെയിലർ റിലീസായി..!

Chakkalakal Films presents the Official Trailer of the Malayalam Feature Film #Manoharam 2019 Written and Directed by – Anvar Sadik...

Latest News3 months ago

മമ്മൂക്കയ്ക്ക് പിറന്നാൾ സമ്മാനമായി ഗാനഗന്ധർവൻ ട്രെയിലർ..! വീഡിയോ കാണാം

Presenting you the Official Trailer Of Malayalam Movie #Ganagandharvan Directed By Ramesh Pisharody Direction : Ramesh Pisharody Story, Screenplay &...

Latest News3 months ago

മമ്മൂക്കയെ നായകനാക്കി പിഷാരടി ഒരുക്കുന്ന ഗാനഗന്ധർവന്റെ കിടിലൻ ടീസർ കാണാം

Presenting you the Official Teaser 1 Of Malayalam Movie #Ganagandharvan Directed By Ramesh Pisharody Direction : Ramesh Pisharody Story, Screenplay...

Latest News3 months ago

പൊറിഞ്ചു മറിയം ജോസിലെ കലക്കൻ ഗാനം റിലീസായി…!

Song: NeelaMaalaghe Movie: Porinju Mariam Jose Music : Jakes Bejoy Lyrics: Harinarayanan B K Singer: Keshav Vinod Backing Vocals: Deepika...

Latest News3 months ago

പൊറിഞ്ചു മറിയം ജോസിന്റെ കലക്കൻ ടീസർ റിലീസായി…!

Director :- JOSHIY Produced by :- Rejimon Kirthana Movies Co-produced by :- Badusha, Suraj P.S Executive producer :- Sijo Vadakkan...

Trending