Connect with us

reviews

ആദ്യം മുതൽ അവസാനം വരെ തീ പാറുന്ന മാസ്സ് രംഗങ്ങളുമായി ടോവിനോ തോമസിന്റെ കൽക്കി ! റീവ്യൂ വായിക്കാം.

Published

on

യുവ താരം ടോവിനോ തോമസിനെ നായകനാക്കി നവാഗതനായ പ്രവീൺ പ്രഭാറാം സംവിധാനം ചെയ്ത കൽക്കി എന്ന ആക്ഷൻ ഇൻവെസ്റ്റിഗേഷൻ ത്രില്ലർ ചിത്രമാണ് ഇന്ന് കേരളത്തിൽ പ്രദർശനം ആരംഭിച്ച മലയാള ചിത്രങ്ങളിൽ ഒന്ന്. സംവിധായകൻ പ്രവീണും സുജിൻ സുജാതനും ചേർന്ന് തിരക്കഥ രചിച്ച ഈ ചിത്രം നിർമ്മിച്ചിരിക്കുന്നത് ലിറ്റിൽ ബിഗ് ഫിലിമ്സിന്റെ ബാനറിൽ സുവിന് കെ വർക്കി, പ്രശോഭ് കൃഷ്ണ എന്നിവർ ചേർന്നാണ്. തീവണ്ടി എന്ന ചിത്രത്തിലൂടെ ടോവിനോ തോമസിന്റെ നായികാ വേഷത്തിൽ അരങ്ങേറ്റം കുറിച്ച സംയുക്ത മേനോൻ തന്നെയാണ് ഈ ചിത്രത്തിലും ടോവിനോയുടെ നായികാ വേഷം ചെയ്തിരിക്കുന്നത്. ഇതിന്റെ ആദ്യ പോസ്റ്റർ മുതൽ തന്നെ പ്രേക്ഷകരെ ഈ ചിത്രത്തിന് വേണ്ടി ആവേശത്തോടെ കാത്തിരിക്കാൻ പ്രേരിപ്പിക്കാൻ ഇതിന്റെ അണിയറ പ്രവർത്തകർക്ക് സാധിച്ചിരുന്നു. ഒരു ഗംഭീര ട്രൈലെർ കൂടി വന്നതോടെ ചിത്രത്തിന് മേലുള്ള പ്രേക്ഷക പ്രതീക്ഷ വർധിച്ചു.ടോവിനോ തോമസ് അവതരിപ്പിക്കുന്ന പോലീസ് ഓഫീസറുടെ ജീവിതത്തിൽ സംഭവിക്കുന്ന കാര്യങ്ങളും, നഞ്ചക്കോട്ട എന്ന സ്ഥലത്തു സ്ഥലം മാറി എത്തുന്ന അദ്ദേഹം അവിടുത്തെ ജനങ്ങള്ക്ക് വേണ്ടി നടത്തുന്ന പോരാട്ടങ്ങളുമാണ് ഈ ചിത്രം നമ്മുടെ മുന്നിൽ എത്തിക്കുന്നത്.ഒരു സംവിധായകൻ എന്ന നിലയിലും രചയിതാവ് എന്ന നിലയിലും പ്രവീൺ പ്രതിഭാധനൻ ആണെന്ന കാര്യം കാര്യം കൽക്കി എന്നയീ ചിത്രത്തിലൂടെ നമ്മുക്ക് മനസ്സിലാക്കിയെടുക്കാൻ സാധിക്കും. പ്രവീൺ എന്ന ഈ പുതുമുഖ സംവിധായകൻ മലയാള സിനിമയ്ക്കു ഇന്ന് പ്രതീക്ഷകൾ അർപ്പിക്കാവുന്ന ഒരാളാണ് എന്നും കൽക്കി തെളിയിക്കുന്നു. സംവിധായകൻ എന്ന നിലയിലുള്ള തന്റെ ആദ്യ ചിത്രം തന്നെ പ്രേക്ഷകനെ ത്രസിപ്പിക്കുന്ന രീതിയിൽ അവതരിപ്പിക്കാൻ പ്രവീണിന് കഴിഞ്ഞിട്ടുണ്ട് . സുജിൻ സുജാതനു ഒപ്പം ചേർന്ന് പ്രവീൺ ഒരുക്കിയ വളരെ മികച്ച ഒരു തിരക്കഥക്കു സംവിധായകൻ എന്ന നിലയിൽ അദ്ദേഹം പകർന്നു നൽകിയ ദൃശ്യ ഭാഷ വളരെ മനോഹരമായിരുന്നു. സംവിധായകൻ എന്ന നിലയിൽ ഇദ്ദേഹം പുലർത്തിയ കയ്യടക്കം ആണ് ഈ ചിത്രത്തിന്റെ ഏറ്റവും വലിയ വിജയം എന്ന് പറയാം . ഒരു നിമിഷം പോലും ബോർ അടിപ്പിക്കാതെ എല്ലാ വിനോദ ഘടകങ്ങളും ഒരുപോലെ കോർത്തിണക്കി കൊണ്ട് വളരെ ആവേശകരമായ ഒരു കഥ പറയാൻ പ്രവീണിന് സാധിച്ചു . പുതുമയേറിയ ഒരു കഥ , വളരെ പുതുമയാർന്ന ഒരു ശൈലിയിൽ വളരെ സ്റ്റൈലീഷ് ആയിട്ട് പ്രേക്ഷകന്റെ മുന്നിൽ അവതരിപ്പിക്കാൻ കഴിഞ്ഞു എന്നിടത്താണ് ഈ ആക്ഷൻ ഇൻവെസ്റ്റിഗേഷൻ ത്രില്ലർ ചിത്രം വിജയം നേടുന്നത് . പ്രേക്ഷകനെ ആവേശം കൊള്ളിക്കാൻ കഴിയുന്ന സംഭാഷണങ്ങളും കഥാ സന്ദര്ഭങ്ങളും ആക്ഷൻ രംഗങ്ങളും ഒരുക്കാൻ കഴിഞ്ഞതും സസ്പെൻസ് നില നിർത്താൻ കഴിഞ്ഞതും ചിത്രത്തിന്റെ പ്ലസ് പോയിന്റുകൾ ആണ്.

ടോവിനോ തോമസ് എന്ന നടന്റെ പ്രകടനം ആണ് ഈ ചിത്രത്തിന്റെ ഹൈലൈറ്റ് ആയി വന്നത്. വളരെ സ്റ്റൈലിഷ് ആയി, കൂൾ ആയി അദ്ദേഹം തന്റെ പോലീസ് ഓഫീസർ കഥാപാത്രത്തിന് ജീവൻ നൽകി. ടോവിനോ എന്ന നടനെ സംബന്ധിച്ചിടത്തോളം വെല്ലുവിളി ഉയർത്തുന്ന ഒരു കഥാപാത്രം ആയിരുന്നില്ല എങ്കിൽ കൂടി ഒരു താരം എന്ന നിലയിൽ ടോവിനോയുടെ മാസ്സ് അപ്പീൽ മറ്റൊരു തലത്തിൽ എത്തിക്കാൻ കഴിവുള്ള വേഷം തന്നെയായിരുന്നു ഇത്. അത്ര ഗംഭീരമായ രീതിയിൽ അദ്ദേഹം ഈ കഥാപാത്രത്തെ അവതരിപ്പിക്കുകയും ചെയ്തു. ടോവിനോയുടെ എനർജിയും സ്ക്രീൻ പ്രെസെൻസും ഞെട്ടിക്കുന്നതാണ് എന്ന് പറഞ്ഞേ പറ്റു.. നായിക സംയുക്ത മേനോൻ തന്റെ വേഷം ഭംഗിയാക്കിയപ്പോൾ ആനന്ദ് ബാൽ , സുധീഷ്, സൈജു കുറുപ്പ്, ഹാരിഷ് ഉത്തമൻ, ശിവജിത് പദ്മനാഭൻ, വിനി വിശ്വലാൽ എന്നിവരും തങ്ങളുടെ വേഷം ഏറ്റവും മനോഹരമായി തന്നെയാണ് സ്‌ക്രീനിൽ എത്തിച്ചത് , കാമറ കൈകാര്യം ചെയ്ത ഗൗതം ശങ്കർ മികച്ച ദൃശ്യങ്ങൾ ഒരുക്കി ശ്രദ്ധ നേടിയപ്പോൾ ജേക്സ് ബിജോയ് ഒരുക്കിയ സംഗീതം മികച്ചു നിന്നു. അദ്ദേഹം തന്നെ ഒരുക്കിയ പശ്ചാത്തല സംഗീതം ചിത്രത്തിന്റെ എനർജി ലെവൽ തന്നെ മറ്റൊരു തലത്തിൽ എത്തിച്ചു എന്ന് പറയാം .രഞ്ജിത്ത് കുഴുർ എന്ന എഡിറ്റർ പുലർത്തിയ മികവ് ഈ ചിത്രത്തിന് മികച്ച വേഗതയും അതുപോലെ ഒരു ത്രില്ലർ ചിത്രം ആവശ്യപ്പെടുന്ന സാങ്കേതിക പൂർണ്ണതയും പകർന്നു നൽകിയിട്ടുണ്ട്.ചുരുക്കി പറഞ്ഞാൽ മികച്ച ഒരു സിനിമാനുഭവം നമ്മുക്ക് സമ്മാനിക്കാൻ കൽക്കി എന്നയീ ചിത്രത്തിനു കഴിഞ്ഞിട്ടുണ്ട് . വളരെ ത്രില്ലിംഗ് ആയുള്ള ഒരു മാസ്സ് മൂവി ആണ് കൽക്കി എന്ന് നിസംശയം പറയാം നമ്മുക്ക് . ഒരു കമ്പ്ലീറ്റ് മാസ്സ് എന്റെർറ്റൈനെർ എന്ന നിലയിൽ ഈ ചിത്രം പ്രേക്ഷകനെ നിരാശനാക്കില്ല എന്ന് ഉറപ്പിച്ചു പറയാം നമ്മുക്ക്.

Continue Reading

reviews

ഇത് ശെരിക്കും ബ്രഹ്മാണ്ഡ വിസ്മയം…! സൈറ നരസിംഹ റെഡ്‌ഡി റിവ്യൂ വായിക്കാം

Published

on

By

മെഗാ സ്റ്റാർ ചിരഞ്ജീവി നായകനായ, ഇന്ത്യൻ സിനിമയിലെ ബ്രഹ്മാണ്ഡ ചിത്രമായ സൈ രാ നരസിംഹ റെഡ്ഢി എന്ന തെലുങ്കു ചിത്രമാണ് ഇന്ന് ലോകം മുഴുവൻ പ്രദർശനത്തിനെത്തിയത് . സുരീന്ദർ റെഡ്ഢി സംവിധാനം ചെയ്തിരിക്കുന്ന ഈ ചിത്രം രചിച്ചിരിക്കുന്നത് സുരീന്ദർ റെഡ്ഢിയും സായ് മാധവ് ബുർറയും ആണ് . കോണീടെല പ്രൊഡക്ഷൻ കമ്പനിയുടെ ബാനറിൽ ചിരഞ്ജീവിയുടെ മകൻ ആയ റാം ചരൺ നിർമ്മിച്ച ഈ ചിത്രം കേരളത്തിൽ വിതരണം ചെയ്തതു ജമിനി സ്റ്റുഡിയോസ് ആണ്. അമിതാബ് ബച്ചൻ, വിജയ് സേതുപതി, കിച്ച സുദീപ്. തമന്ന, നയൻ താര , അനുഷ്ക ഷെട്ടി, ജഗപതി ബാബു തുടങ്ങി വമ്പൻ താര നിര അണിനിരക്കുന്ന ഈ ചിത്രത്തിന്റെ ട്രൈലെർ വൻ ഹിറ്റായി മാറിയിരുന്നു.


ഇന്ത്യൻ സ്വന്തന്ത്ര്യ സമര ചരിത്രത്തിലെ ആദ്യത്തെ പോരാളികളിൽ ഒരാളായ ഉയ്യലാവാട നരസിംഹ റെഡ്ഢിയുടെ ജീവിതവും പോരാട്ടവും ആണ് ഈ ചിത്രം നമ്മുടെ മുന്നിൽ എത്തിക്കുന്നത്. ബ്രിട്ടീഷുകാർക്കെതിരെ ഇന്ത്യയിൽ നിന്ന് ആദ്യം പട നയിച്ച യോദ്ധാക്കളിൽ ഒരാളായിരുന്നു അദ്ദേഹം. ഒരുപാട് പേര് അറിയാതെ പോയ അദ്ദേഹത്തിന്റെ കഥയാണ് ഈ ചിത്രം അവതരിപ്പിക്കുന്നത്.


ബാഹുബലി സീരിസിന് ശേഷം ലോക സിനിമയ്ക്കു മുന്നിൽ ഒരിക്കൽ കൂടി ഇന്ത്യൻ സിനിമയ്ക്കു ഉയർത്തി കാണിക്കാൻ ഉതകുന്ന ഒരു ബ്രഹ്മാണ്ഡ ചിത്രം തന്നെയാണ് സുരീന്ദർ റെഡ്‌ഡി എന്ന സംവിധായകൻ ഒരുക്കിയിരിക്കുന്നത്. അത്രമാത്രം ഗംഭീരമായ രീതിയിലാണ് ഈ ചിത്രം അദ്ദേഹം പ്രേക്ഷകരുടെ മുന്നിലെത്തിച്ചിരിക്കുന്നതു . ആദ്യാവസാനം
വളരെ ആവേശകരമായ രീതിയിൽ ഒരുക്കിയ ചിത്രത്തിൽ വൈകാരിക തീവ്രതയുള്ള രംഗങ്ങളും രോമാഞ്ചം കൊള്ളിക്കുന്ന മുഹൂർത്തങ്ങളും ഒരുക്കുന്നതിൽ സംവിധായകൻ പൂർണ്ണമായും വിജയിച്ചു എന്ന് പറയാം. മികച്ച വേഗതയിൽ മുന്നോട്ടു നീങ്ങിയ ചിത്രത്തിൽ വമ്പൻ യുദ്ധ രംഗങ്ങളുണ്ട് എന്നതും ചിത്രത്തിന്റെ മാറ്റു കൂട്ടുന്നു . വളരെ മികച്ച രീതിയിൽ ഒരുക്കിയ വി എഫ് എക്സ് ചിത്രത്തെ കൂടുതൽ വലിയ ഒരു ദൃശ്യ വിസ്മയമാക്കുന്നതിൽ പ്രധാന പങ്കു വഹിച്ചു എന്നതും എടുത്തു പറയണം. അതിനോടൊപ്പം ഗംഭീരമായ ശബ്ദ മിശ്രണവും കൂടി ചേർന്നപ്പോൾ ഈ ചിത്രം ഇന്ത്യൻ സിനിമയിലെ തന്നെ ഏറ്റവും മികച്ച സാങ്കേതിക പൂർണതയുള്ള ചിത്രങ്ങളിൽ ഒന്നായി മാറി. ഗംഭീരമായ ഡയലോഗുകളും കിടിലൻ ആക്ഷനും കൂടി ചേർന്ന് വന്നപ്പോൾ ഒരു ഇതിഹാസ ചിത്രമായി സൈ രാ നരസിംഹ റെഡ്ഢി മാറി.


മെഗാ സ്റ്റാർ ചിരഞ്ജീവി നരസിംഹ റെഡ്‌ഡി ആയി മിന്നുന്ന പ്രകടനമാണ് കാഴ്ച വെച്ചത്. ഓരോ ചെറു ചലനങ്ങളിൽ പോലും കഥാപാത്രമായി മാറാൻ അദ്ദേഹത്തിന് സാധിച്ചു എന്ന് സംശയമില്ലാതെ തന്നെ പറയാം. സ്ക്രീൻ പ്രെസൻസ് കൊണ്ടും ഗംഭീരമായ ഡയലോഗ് ഡെലിവറി കൊണ്ടും ചിരഞ്ജീവി പ്രേക്ഷകരെ ഞെട്ടിക്കുന്നുണ്ട് ഈ ചിത്രത്തിൽ. . അത് പോലെ തന്നെ അവുക്കു രാജു ആയെത്തിയ സുദീപ്, രാജാപാണ്ടി ആയി അഭിനയിച്ച വിജയ് സേതുപതി, വീര റെഡ്ഢി ആയെത്തിയ ജഗപതി ബാബു, സിധാമ ആയെത്തിയ നയൻ താര, ലക്ഷ്മി ആയി അഭിനയിച്ച തമന്ന, ഗുരു ഗോസായി വെങ്കണ്ണാ ആയെത്തിയ അമിതാബ് ബച്ചൻ, ഝാൻസി റാണി ആയെത്തിയ അനുഷ്ക ഷെട്ടി എന്നിവരും ഗംഭീര പ്രകടനം കൊണ്ട് കയ്യടി നേടി. രവി കിഷൻ, നിഹാരിക, ബ്രഹ്മാജി എന്നിവരുടെ പ്രകടനങ്ങൾ പ്രേത്യേകം അഭിനന്ദിക്കപ്പെടേണ്ടതാണ്..

അമിത് ത്രിവേദി ഒരുക്കിയ ഗാനങ്ങൾ മികച്ച നിലവാരം തന്നെ പുലർത്തിയപ്പോൾ ജൂലിയസ് പാക്കിയം ഒരുക്കിയ പശ്ചാത്തല സംഗീതം പതിവ് പോലെ അതിഗംഭീരം എന്ന വാക്കിലല്ലാതെ വിശേഷിപ്പിക്കാനാവില്ല. ചിത്രത്തിന്റെ മാസ്സ് അപ്പീൽ മുഴുവൻ അതിന്റെ പശ്ചാത്തല സംഗീതത്തിൽ കൂടി നല്കാൻ അദ്ദേഹത്തിന് കഴിഞ്ഞു.. ഗംഭീര ദൃശ്യങ്ങളൊരുക്കിയ രത്ന വേലുവും തന്റെ ഭാഗം ഏറ്റവും മികച്ചതാക്കി.ദൈർഘ്യമേറിയ ഈ ചിത്രം ഒട്ടും ഇഴയാതെ മുന്നോട്ടു പോയത് എഡിറ്റർ ശ്രീകർ പ്രസാദിന്റെ സംഭാവന കൊണ്ട് കൂടിയാണ് എന്ന് എടുത്തു പറയണം.

സൈ രാ നരസിംഹ റെഡ്ഢി ഇന്ത്യൻ സിനിമ കണ്ടിട്ടുള്ളതിൽ വെച്ചേറ്റവും വലിയ വിസ്മയ ചിത്രങ്ങളിൽ ഒന്ന് തന്നെയാണ്. ഏറ്റവും മികച്ച ഒരു ദൃശ്യാനുഭവമാണ് ഈ ചിത്രം നമ്മുക്ക് നൽകുന്നത് എന്ന് ഉറപ്പിച്ചു തന്നെ പറയാം. പ്രേക്ഷകർക്ക് ആവേശവും വിസ്മയവും പകർന്നു നൽകുന്ന ഒരു ഇതിഹാസ ചിത്രം എന്ന് നമ്മുക്ക് ഇതിനെ വിശേഷിപ്പിക്കാം.

Continue Reading

reviews

ലവ് ഉണ്ട് ആക്ഷൻ ഉണ്ട്.. നല്ല അസ്സൽ കോമെടിയും ഉണ്ട് ! ഫാമിലിക്ക് നിവിൻ നയൻസ് ടീമിന്റെ വിഷ്വൽ ട്രീറ്റ് ! ലവ് ആക്ഷൻ ഡ്രാമ റിവ്യൂ

Published

on

By

ഇന്ന് കേരളത്തിലെ പ്രദർശന ശാലകളിൽ എത്തിചേർന്ന മലയാള ചിത്രമാണ് യുവ താരം നിവിൻ പോളിയും ലേഡി സൂപ്പർ സ്റ്റാർ നയൻ താരയും കേന്ദ്ര കഥാപാത്രങ്ങൾ ആയി എത്തിയ ലവ് ആക്ഷൻ ഡ്രാമ എന്ന ചിത്രം . പ്രശസ്ത നടനായ ധ്യാൻ ശ്രീനിവാസൻ ആദ്യമായി  സംവിധാനം ചെയ്ത ഈ ചിത്രത്തിന് തിരക്കഥ രചിച്ചിരിക്കുന്നതും അദ്ദേഹം തന്നെയാണ് .ഫൺടാസ്റ്റിക് ഫിലിമ്സിന്റെ ബാനറിൽ നടൻ അജു വർഗീസും വിശാഖ് സുബ്രമണ്യവും  ചേർന്നാണ് ഈ ചിത്രം നിർമ്മിച്ചിരിക്കുന്നതു. അജു വർഗീസിന്റെ ആദ്യ നിർമ്മാണ സംരംഭം ആണീ ചിത്രം. ഇതിന്റെ രസകരമായ ടീസറും ഗാനങ്ങളും സൂപ്പർ ഹിറ്റായി മാറിയിരുന്നു.നിവിൻ പോളി അവതരിപ്പിക്കുന്ന ദിനേശൻ എന്ന യുവാവിന്റെയും  നയൻ താര അവതരിപ്പിക്കുന്ന ശോഭ എന്ന കഥാപാത്രത്തിന്റെയും ചുറ്റുമാണ് ഈ ചിത്രത്തിന്റെ കഥ വികസിക്കുന്നത്. ദിനേശന്റെ ജീവിതത്തിലേക്ക് ശോഭ കടന്നു വരുന്നതും അതിനെ തുടർന്ന് നടക്കുന്ന രസകരവും ആവേശകരവുമായ സംഭവ വികാസങ്ങളുമാണ് ഈ ചിത്രം നമ്മുടെ മുന്നിൽ അവതരിപ്പിക്കുന്നത്.വളരെ രസകരമായ, വ്യത്യസ്‍തമായ  ഒരു കഥയെ അതിലും രസകരമായി പ്രേക്ഷകരുടെ മുന്നിൽ അവതരിപ്പിക്കാൻ കഴിഞു എന്നതാണ് ധ്യാൻ ശ്രീനിവാസൻ  എന്ന ഈ യുവ സംവിധായകനെ പ്രതീക്ഷയോടെ നോക്കി കാണാൻ പ്രേരിപ്പിക്കുന്നത്. സംവിധായകൻ എന്ന നിലയിൽ ആദ്യ ചിത്രം കൊണ്ട് തന്നെ പ്രേക്ഷകരെ തൃപ്തിപ്പെടുത്താൻ ധ്യാനിനു സാധിച്ചിട്ടുണ്ട്. നിറയെ തമാശകളും ഒരുപാട് രസിപ്പിക്കുന്ന  തരത്തിലുള്ള രംഗങ്ങളും കൊണ്ട് സമൃദ്ധമായ ഈ ചിത്രം പുതുമയേറിയ രീതിയിൽ ആണ് പ്രേക്ഷകന്റെ മുന്നിൽ അവതരിപ്പിച്ചിരിക്കുന്നതു എന്ന് പറയാം. രസകരമായ കഥാ സന്ദർഭങ്ങൾ ഒരുക്കുന്നതിലും പൊട്ടിച്ചിരിപ്പിക്കുന്ന സംഭാഷണങ്ങൾ അവക്ക് അകമ്പടിയായി നൽകുന്നതിലും രചയിതാവ് എന്ന നിലയിൽ  ധ്യാൻ  വിജയിച്ചപ്പോൾ അതിനു മനോഹരമായ ദൃശ്യ ഭാഷ നൽകുന്നതിൽ സംവിധായകനെന്ന  നിലയിലും വിജയം കൈവരിക്കാൻ അദ്ദേഹത്തിന്  കഴിഞ്ഞിട്ടുണ്ട്. ടൈറ്റിൽ സൂചിപ്പിക്കുന്നത് പോലെ തന്നെ  റൊമാന്സും കോമെഡിയും ആക്ഷനും നാടകീയ മുഹൂർത്തങ്ങളുമെല്ലാം അതിന്റെ ശരിയായ അളവിൽ ചേർത്ത് കഥ പറഞ്ഞ ഈ ചിത്രം പ്രേക്ഷകരെ ആദ്യാവസാനം എന്റെർറ്റൈൻ ചെയ്യിക്കുന്നതാണെന്നു ഉറപ്പു വരുത്താൻ ധ്യാൻ ശ്രീനിവാസന് കഴിഞ്ഞപ്പോൾ ചിത്രം മികച്ച ഒരു അനുഭവമായി മാറി.


നിവിൻ പോളി  എന്ന നടനും നയൻ താര എന്ന നടിയും തമ്മിലുള്ള വെള്ളിത്തിരയിലെ  രസതന്ത്രം ഏറെ മനോഹരമായിരുന്നു. രണ്ടു പേരും മത്സരിച്ചു  അഭിനയിച്ചപ്പോൾ കഥാപാത്രങ്ങൾ പ്രേക്ഷകരുടെ മനസിലേക്കെത്താൻ അധിക സമയം വേണ്ടി വന്നില്ല എന്ന് തന്നെ പറയാം  നമ്മുക്ക്..നിവിൻ പോളി  അനായാസമായി കഥാപാത്രമായി മാറിയപ്പോൾ നയൻ താര ഒരിക്കൽ കൂടി തന്റെ പ്രകടനം കൊണ്ട് ഞെട്ടിക്കുകയും  പ്രേക്ഷകരുടെ കയ്യടി നേടുകയും ചെയ്തു. രണ്ടുപേരും രസകരമായ  പ്രകടനം തന്നെയാണ് നൽകിയതു. ഇവരെ പോലെ തന്നെ അജു വർഗീസ് ,  മല്ലിക സുകുമാരൻ, വിനീത് ശ്രീനിവാസൻ, ബേസിൽ ജോസഫ്, ദുര്ഗ കൃഷ്ണ, ശ്രീനിവാസൻ, രഞ്ജി പണിക്കർ. ജൂഡ് ആന്റണി ജോസെഫ്, ഭഗത്, ദീപക്, ഹരികൃഷ്ണൻ, ബിജു സോപാനം, ധന്യ, മൊട്ട രാജേന്ദ്രൻ  എന്നിവരും തങ്ങളുടെ വേഷങ്ങൾ ഭംഗിയായി  തന്നെ ചെയ്തു. എല്ലാവരും തങ്ങളുടെ പ്രകടനം കൊണ്ട് പ്രേക്ഷകരെ ഏറെ രസിപ്പിച്ചു എന്ന് തന്നെ പറയാം.ജോമോൻ ടി ജോൺ , റോബി വർഗീസ് രാജ് എന്നിവർ നൽകിയ ദൃശ്യങ്ങൾ മനോഹരമായപ്പോൾ വിവേക് ഹർഷൻ   തന്റെ എഡിറ്റിംഗിലൂടെ ആ ദൃശ്യങ്ങൾക്ക് പാകതയും കരുത്തും നൽകുന്നതിൽ വിജയിച്ചു. ചിത്രത്തിന്റെ വേഗത പ്രേക്ഷകന് മുഷിയാത്ത  രീതിയിൽ കൊണ്ട് വരുന്നതിനും അത് ഏറെ സഹായിച്ചിട്ടുണ്ട് എന്ന് പറയാം .ഷാൻ റഹ്മാൻ കൈകാര്യം ചെയ്ത സംഗീത വിഭാഗവും മികച്ച നിലവാരം പുലർത്തി. മനോഹരമായ  ഗാനങ്ങളും പശ്ചാത്തല സംഗീതവും ചിത്രത്തിന്റെ കഥയോടും ചിത്രത്തിലെ അന്തരീക്ഷത്തോടും ഏറെ യോജിച്ചു പോയപ്പോൾ അത് ചിത്രത്തെ കൂടുതൽ രസകരമാക്കിയിട്ടുണ്ട്.ചുരുക്കി പറഞ്ഞാൽ, എല്ലാത്തരം പ്രേക്ഷകരെയും ഒരുപോലെ രസിപ്പിക്കുന്ന ഒരു കമ്പ്ലീറ്റ് എന്റെർറ്റൈനെർ ആണ് ലവ് ആക്ഷൻ ഡ്രാമ . വ്യത്യസ്തമായ പ്രമേയവും അവതരണവും അതുപോലെ തന്നെ ആദ്യാവസാനം എന്റെർറ്റൈന്മെന്റും നൽകുന്ന കിടിലൻ വിനോദ ചിത്രമെന്ന് തന്നെ നമ്മുക്ക് ഈ സിനിമയെ വിശേഷിപ്പിക്കാം.

Continue Reading

reviews

പ്രേക്ഷകർക്ക് ആഘോഷവും ആവേശവുമായി പ്രഭാസിന്റെ സാഹോ ! പക്കാ മാസ്സ് പടം തന്നെ ! റിവ്യൂ വായിക്കാം

Published

on

By

ഇന്ന് ലോകമെമ്പാടും പ്രദർശനത്തിന് എത്തിയ തെലുങ്ക് ചിത്രമാണ് ബാഹുബലി സീരിസിന് ശേഷം  പ്രഭാസ് നായകനായി എത്തിയ സാഹോ  എന്ന ബ്രഹ്മാണ്ഡ ചിത്രം. സുജിത് രചിച്ചു സംവിധാനം  ചെയ്ത ഈ ചിത്രം 350 കോടി രൂപ മുതൽ മുടക്കി ആണ് നിർമ്മിച്ചിരിക്കുന്നത്. തെലുങ്കിന് പുറമെ തമിഴ്, ഹിന്ദി എന്നീ ഭാഷകളിലും എത്തുന്ന ഈ ചിത്രം  നിർമ്മിച്ചിരിക്കുന്നത് വംശി കൃഷ്ണ റെഡ്ഢി, പ്രമോദ് ഉപ്പലപറ്റി എന്നിവർ ചേർന്ന് യു വി ക്രിയേഷൻസിന്റെ ബാനറിലാണ് . ഈ ചിത്രം കേരളത്തിൽ എത്തിച്ചിരിക്കുന്നത് പ്രശസ്ത സംവിധായകൻ ബി ഉണ്ണികൃഷ്ണന്റെ ആർ ഡി ഇല്ല്യൂമിനേഷൻസ് ആണ്. ശ്രദ്ധ കപൂർ നായികാ വേഷത്തിൽ എത്തുന്ന സാഹോയിൽ ബോളിവുഡിൽ നിന്നടക്കം വമ്പൻ താര നിരയാണ് അണിനിരക്കുന്നത്.ലോകത്തിലെ തന്നെ ഏറ്റവും വലിയ ക്രിമിനൽ സിന്ഡിക്കേറ്റിന്റെ തലവൻ റോയ് കൊല്ലപ്പെടുന്നതോടെ ഒരു വലിയ അധികാര കൈമാറ്റത്തിനുള്ള വാതിലുകൾ തുറക്കപ്പെടുന്നു. ദേവരാജ് എന്ന ക്രിമിനൽ ആ അവസരം മുതലാക്കാൻ ശ്രമിക്കുമ്പോൾ ആണ് റോയിയുടെ മകൻ വിശ്വൻക് രംഗത്തെത്തുന്നത്. അധികാരം നേടുന്നതിനൊപ്പം അവൻ ഡീൽ ചെയ്യുന്നത് മറ്റു ചില പ്രശനങ്ങൾ കൂടിയാണ്. അധികാരത്തിനു വേണ്ടിയുള്ള വലിയ കളികളും ചതികളും നടക്കുന്ന ഈ ലോകത്തേക്കാണ് പ്രഭാസിന്റെ അശോക് ചക്രവർത്തിയും ശ്രദ്ധ അവതരിപ്പിക്കുന്ന അമൃതയും  കടന്നു വരുന്നത്.

ആരാധകരെ ത്രസിപ്പിക്കുന്ന ഒരു തീപ്പൊരി മാസ്സ് ആക്ഷൻ ചിത്രമാണ് സുജിത് എന്ന സംവിധായകൻ ഒരുക്കിയിരിക്കുന്നത്. റിബൽ സ്റ്റാർ പ്രഭാസിന്റെ ആരാധകരെ മാത്രമല്ല ഓരോ സിനിമാ പ്രേമികളേയും കോരിത്തരിപ്പിക്കുന്ന രീതിയിലാണ് ഈ ചിത്രത്തിന്റെ മേക്കിങ് എന്ന് തന്നെ പറയാം. ഇന്ത്യൻ സിനിമയിൽ ഇത് വരെ വന്നിട്ടുള്ള ഏറ്റവും വലിയ ആക്ഷൻ ചിത്രമായ സാഹോ, ഹോളിവുഡ് ആക്ഷൻ ത്രില്ലറുകളോട് കിടപിടിക്കുന്ന ദൃശ്യങ്ങളും, മാസ്സ് രംഗങ്ങളും  കോർത്തിണക്കി ഒരു ടെറാ മാസ്സ് ചിത്രം ആയാണ് അണിയറ പ്രവർത്തകർ ഒരുക്കിയിരിക്കുന്നത് . ഒരു കമ്പ്ലീറ്റ് പ്രഭാസ്  ഷോ എന്ന് പറയുന്നതിന് ഒപ്പം തന്നെ പ്രേക്ഷകരെ വിസ്മയിപ്പിക്കുന്ന ഒരു ക്യാൻവാസിൽ ഈ ചിത്രമൊരുക്കാൻ സുജിത് എന്ന സംവിധായകനും രചയിതാവിനും കഴിഞ്ഞിട്ടുണ്ട് .  വളരെയധികം ത്രില്ലടിപ്പിക്കുന്ന, ആവേശം നിറഞ്ഞ കഥാ സന്ദർഭങ്ങളും പഞ്ച് ഡയലോഗുകളും കോരിത്തരിപ്പിക്കുന്ന ആക്ഷനും  കോർത്തിണക്കിയ തിരക്കഥയിൽ ഒരു മാസ്സ് ചിത്രത്തിൽ നിന്നും പ്രേക്ഷകർ ആഗ്രഹിക്കുന്ന എല്ലാ ചേരുവകളുമുണ്ട്.  ആക്ഷനും കോമെഡിയും റൊമാന്സും ആവേശവും സസ്പെൻസുമെല്ലാം കൃത്യമായ അളവിൽ ചേർത്തൊരു തിരക്കഥയാണ് സംവിധായകൻ ഈ ചിത്രത്തിനായി ഒരുക്കിയത്.   ഒരു നിമിഷം പോലും സ്‌ക്രീനിൽ നിന്ന് കണ്ണെടുക്കാൻ തോന്നാത്ത വിധം അത്ര വേഗതയിലും മികച്ച രീതിയിലുമാണ് സാഹോ  നമ്മുടെ മുന്നിൽ എത്തിച്ചിരിക്കുന്നത്. സാഹോയിൽ ഉള്ളതിലും മികച്ച സംഘട്ടന രംഗങ്ങൾ ഇന്ത്യൻ സിനിമയിൽ തന്നെ ഇതുവരെ വന്നിട്ടില്ല എന്നതാണ് ഇതിന്റെ ഏറ്റവും വലിയ ഹൈലൈറ്റ്.

പ്രഭാസ് എന്ന നടന്റെ ഗംഭീര  പ്രകടനം തന്നെയാണ് ഈ ചിത്രത്തിന്റെ ജീവൻ. ശരീരവും മനസ്സും കഥാപാത്രത്തിന് നൽകി ഞെട്ടിക്കുന്ന പ്രകടനമാണ് പ്രഭാസ്  ഈ ചിത്രത്തിൽ നൽകിയത് എന്ന് സംശയമൊന്നുമില്ലാതെ തന്നെ നമ്മുക്ക് പറയാൻ സാധിക്കും. ശാരീരികമായി ഒരുപാട് പ്രയത്നം വേണ്ടി വന്ന ഒരുപാട് രംഗങ്ങൾ  ഈ ചിത്രത്തിൽ ഉണ്ടായിരുന്നു.  പ്രഭാസ് അതെല്ലാം ഏറ്റവും മികച്ച രീതിയിൽ തന്നെ അവതരിപ്പിച്ചു  ഫലിപ്പിക്കുകയും  ചെയ്തു. നായികാ വേഷം ചെയ്ത    ശ്രദ്ധ കപൂർ തനിക്കു  ലഭിച്ച വേഷം  മനോഹരമായി ചെയ്തപ്പോൾ പ്രേക്ഷകരുടെ ഗംഭീര കയ്യടി നേടിയത്  ചങ്കി പാണ്ഡെ , നീൽ നിതിൻ മുകേഷ്, അരുൺ വിജയ് എന്നിവർ അവതരിപ്പിച്ച  കഥാപാത്രങ്ങൾ ആണ്. അത്ര മിന്നുന്ന പ്രകടനമാണ് ഇവർ നൽകിയത്. അതോടൊപ്പം തന്നെ  ജാക്കി ഷെറോഫ് ,  ലാൽ, വെണ്ണല കിഷോർ, പ്രകാശ് ബെലവാദി , മുരളി ശർമ്മ, എവ്‌ലിൻ ശർമ്മ, , മന്ദിര ബേദി, മഹേഷ് മഞ്ജരേക്കർ, ടിനു ആനന്ദ്, ആദിത്യ ശ്രീവാസ്തവ എന്നിവരും ഏറ്റവും മികച്ച രീതിയിൽ തന്നെ തങ്ങളുടെ കഥാപാത്രങ്ങളെ അവതരിപ്പിച്ചു.ആർ മദി ആണ്   ഈ ചിത്രത്തിന് വേണ്ടി കാമറ ചലിപ്പിച്ചത്. ഗംഭീരം എന്ന് പറഞ്ഞാലും കുറഞ്ഞു പോകുന്ന രീതിയിൽ അത്രയധികം വിസ്മയിപ്പിക്കുന്ന രീതിയിയിലുള്ള  ദൃശ്യങ്ങളാണ് അദ്ദേഹം സാഹോയിലൂടെ നമ്മുക്ക് മുന്നിൽ എത്തിച്ചത് . ഗാന രംഗങ്ങളിലും സംഘട്ടന രംഗങ്ങളിലും നമ്മുക്ക് മുന്നിലെത്തിയ ദൃശ്യങ്ങൾ  ഗംഭീരമായിരുന്നു.  തനിഷ്‌ക് ബാഗച്ചി, ഗുരു റാന്തവാ, ബാദ്ഷ എന്നിവർ ഒരുക്കിയ ഗാനങ്ങളും  ജിബ്രാൻ ഒരുക്കിയ പശ്ചാത്തല സംഗീതവും മികച്ചു നിന്നു. ആർ മദി നൽകിയ  ദൃശ്യങ്ങളും ജിബ്രാന്റെ പശ്ചാത്തല  സംഗീതവും  കൂടി ചേർന്നപ്പോൾ ആരാധകരുടെ  ആവേശം വേറൊരു തലത്തിലെത്തി. ശ്രീകർ പ്രസാദ് എന്ന പ്രഗത്ഭൻറെ എഡിറ്റിംഗ് മികവ് ചിത്രത്തിന് പകർന്നു നൽകിയത് മികച്ച വേഗതയും ഉയർന്ന സാങ്കേതിക നിലവാരവുമാണ്.ചുരുക്കി പറഞ്ഞാൽ. ആരാധകരെയും മറ്റു സിനിമാ പ്രേക്ഷകരെയും ഒരുപോലെ കോരിത്തരിപ്പിക്കുന്ന ഒരു മാസ്സ് എന്റെർറ്റൈനെർ ആണ് സാഹോ . എല്ലാ രീതിയിലും പ്രേക്ഷകനെ സംതൃപ്തനാക്കുന്ന ഈ ചിത്രം ഇന്ത്യൻ സിനിമയിൽ ഇന്നേ വരെ നമ്മൾ കണ്ടിട്ടുള്ള ഏറ്റവും മികച്ച ആക്ഷൻ ചിത്രമാണ്. സാഹോ  എന്ന ചിത്രം പ്രേക്ഷകർക്ക്  മുന്നിൽ ആവേശത്തിന്റെ ഒരു പുതിയ തലം  തന്നെയാണ് തുറന്നിടുന്നത്.

Continue Reading

Latest Updates

Latest News4 weeks ago

ടൊവിനോ തോമസിന്റെ നായികയായി മംമ്ത മോഹൻദാസ് എത്തുന്നു ..

‘7th ഡേ’യുടെ തിരക്കഥകൃത്ത് അഖിൽ പോൾ , അനസ് ഖാനൊപ്പം രചനയും സംവിധാനവും നിർവഹിക്കുന്ന ഫോറൻസിക്കിൽ ടൊവിനോ തോമസിന്റെ നായികയായി മംമ്ത മോഹൻദാസ് എത്തുന്നു . കോടതി...

Latest News4 weeks ago

സൂപ്പർ ഹിറ്റായി പൊറിഞ്ചു മറിയം ജോസ്; ഇവർ ജീവിച്ചിരുന്ന കഥാപാത്രങ്ങൾ..!

സൂപ്പർ ഹിറ്റായി പൊറിഞ്ചു മറിയം ജോസ്; ഇവർ ജീവിച്ചിരുന്ന കഥാപാത്രങ്ങൾ..!മലയാളത്തിന്റെ മാസ്റ്റർ ഡയറക്ടർ ജോഷി സംവിധാനം ചെയ്ത പൊറിഞ്ചു മറിയം ജോസ് എന്ന ചിത്രം ഇപ്പോൾ തീയേറ്ററുകളിൽ...

Latest News1 month ago

വിനീത് ശ്രീനിവാസൻ നായകനായി എത്തുന്ന മനോഹരത്തിന്റെ കലക്കൻ ട്രെയിലർ റിലീസായി..!

Chakkalakal Films presents the Official Trailer of the Malayalam Feature Film #Manoharam 2019 Written and Directed by – Anvar Sadik...

Latest News1 month ago

മമ്മൂക്കയ്ക്ക് പിറന്നാൾ സമ്മാനമായി ഗാനഗന്ധർവൻ ട്രെയിലർ..! വീഡിയോ കാണാം

Presenting you the Official Trailer Of Malayalam Movie #Ganagandharvan Directed By Ramesh Pisharody Direction : Ramesh Pisharody Story, Screenplay &...

Latest News1 month ago

മമ്മൂക്കയെ നായകനാക്കി പിഷാരടി ഒരുക്കുന്ന ഗാനഗന്ധർവന്റെ കിടിലൻ ടീസർ കാണാം

Presenting you the Official Teaser 1 Of Malayalam Movie #Ganagandharvan Directed By Ramesh Pisharody Direction : Ramesh Pisharody Story, Screenplay...

Latest News1 month ago

പൊറിഞ്ചു മറിയം ജോസിലെ കലക്കൻ ഗാനം റിലീസായി…!

Song: NeelaMaalaghe Movie: Porinju Mariam Jose Music : Jakes Bejoy Lyrics: Harinarayanan B K Singer: Keshav Vinod Backing Vocals: Deepika...

Latest News1 month ago

പൊറിഞ്ചു മറിയം ജോസിന്റെ കലക്കൻ ടീസർ റിലീസായി…!

Director :- JOSHIY Produced by :- Rejimon Kirthana Movies Co-produced by :- Badusha, Suraj P.S Executive producer :- Sijo Vadakkan...

Latest News2 months ago

തീയറ്ററുകളിൽ വിജയകരമായി പ്രദർശനം തുടരുന്ന പൊറിഞ്ചു മറിയം ജോസിലെ കിടിലൻ വീഡിയോ ഗാനം റിലീസായി

Director – Joshiy Producer – Rejimon Kirthana Movies Written – Abhilash N Chandran Arranged and Produced – Jakes Bejoy Composition...

Latest News2 months ago

ഇന്ദിരാഗാന്ധിയായി വിദ്യാബാലൻ വെബ്സീരിസിൽ !! ഞെട്ടിത്തരിച്ചു ബോളിവുഡ് സിനിമ ലോകം …

നിരവധി ചിത്രത്തിലൂടെ വ്യതസ്തമായ കഥാപാത്രങ്ങൾക്ക് ജീവൻ നൽകിയ നടിയാണ് വിദ്യാബാലൻ. ബോളിവുഡ് സിനിമകളിൽ ആണ് താരത്തിന്റെ നിറസാന്നിദ്യം.മല യാള സിനിമ മേഖലയിൽ വേഷമിട്ടില്ലെങ്കിലും മലയാളികള്‍ക്ക് എന്നും ഈ...

Latest News2 months ago

തീയറ്ററുകളിൽ വിജയകരമായി മുന്നേറുന്ന പൊറിഞ്ചു മറിയം ജോസിലെ കലക്കൻ വീഡിയോ ഗാനം കാണാം

Song: NeelaMaalaghe Movie: Porinju Mariam Jose Music : Jakes Bejoy Lyrics: Harinarayanan B K Singer: Keshav Vinod Backing Vocals: Deepika...

Trending